And when they were escaped, then they knew that the island was called Melita.
ᎤᎾᏛᏂᏛᏃ ᎩᎳ ᎤᎾᏙᎴᎰᏒᎩ ᎾᏍᎩ ᎠᎹᏰᎵ ᎻᎳᏗ ᏚᏙᎥᎢ,
U-na-dv-ni-dv-no gi-la u-na-do-le-ho-sv-gi na-s-gi a-ma-ye-li Mi-la-di du-do-v-i,

And the barbarous people shewed us no little kindness: for they kindled a fire, and received us every one, because of the present rain, and because of the cold.
ᏅᏩᎾᏓᎴᏃ ᏴᏫ ᎾᎿᎭᎠᏁᎯ ᎤᏣᏘ ᎣᏏᏳ ᎪᎩᏍᏆᏂᎪᏔᏅᎩ; ᎤᏃᏔᏅᏰᏃ ᏕᎪᎦᏓᏂᎸᏨᎩ ᏂᎦᏛ, ᏅᏓᎦᎵᏍᏙᏗᏍᎬᎩ ᎠᎦᏍᎬᎢ ᎠᎴ ᎤᏴᏢᎢ.
Nv-wa-na-da-le-no yv-wi na-hna a-ne-hi u-tsa-ti o-si-yu go-gi-s-qua-ni-go-ta-nv-gi; u-no-ta-nv-ye-no de-go-ga-da-ni-lv-tsv-gi ni-ga-dv, nv-da-ga-li-s-do-di-s-gv-gi a-ga-s-gv-i a-le u-yv-tlv-i.

And when Paul had gathered a bundle of sticks, and laid them on the fire, there came a viper out of the heat, and fastened on his hand.
ᏉᎳᏃ ᏫᏚᏭᏕᏒ ᏏᏄᎩᏝᏅᎯ ᎠᏓ, ᎠᎴ ᏚᎲᏔᏅ, ᎢᎾᏛ ᎤᏗᎴᎬ ᏓᏳᎾᏄᎪᏨᎩ ᎤᏬᏰᏂ ᎤᏪᏖᎳᏛᏨᎩ.
Quo-la-no wi-du-wu-de-sv si-nu-gi-tla-nv-hi a-da, a-le du-hv-ta-nv, i-na-dv u-di-le-gv da-yu-na-nu-go-tsv-gi u-wo-ye-ni u-we-te-la-dv-tsv-gi.

And when the barbarians saw the venomous beast hang on his hand, they said among themselves, No doubt this man is a murderer, whom, though he hath escaped the sea, yet vengeance suffereth not to live.
ᎾᏍᎩᏃ ᏅᏩᎾᏓᎴ ᏴᏫ ᎤᏂᎪᎲ ᎢᎾᏛ ᎦᏖᎳᏛ ᎤᏬᏰᏂ, ᎯᎠ ᏂᏚᎾᏓᏪᏎᎸᎩ; ᎥᏝ ᏳᏝᏏᏛᎭ ᎯᎠ ᎠᏍᎦᏯ ᏴᏫ ᏗᎯᎯ ᎨᏒᎢ; ᎤᏙᎯᏳᎯᏍᎩᏂᏃᏅ ᎾᏍᎩ ᎠᎺᏉᎯ ᎠᏗᏫᏏ, ᎠᏎᏃ ᎤᏞᎩ ᎥᏝ ᎬᏁᏍᏗ ᏳᏪᎵᏎᎭ.
Na-s-gi-no nv-wa-na-da-le yv-wi u-ni-go-hv i-na-dv ga-te-la-dv u-wo-ye-ni, hi-a ni-du-na-da-we-se-lv-gi; v-tla yu-tla-si-dv-ha hi-a a-s-ga-ya yv-wi di-hi-hi ge-sv-i; u-do-hi-yu-hi-s-gi-ni-no-nv na-s-gi a-me-quo-hi a-di-wi-si, a-se-no u-tle-gi v-tla gv-ne-s-di yu-we-li-se-ha.

And he shook off the beast into the fire, and felt no harm.
ᎠᏥᎸᏱᏃ ᏭᏙᎥᏔᏅᎩ ᎢᎾᏛ, ᎠᎴ ᎥᏝ ᎪᎱᏍᏗ ᏳᎵᏍᏔᏁᎢ.
A-tsi-lv-yi-no wu-do-v-ta-nv-gi i-na-dv, a-le v-tla go-hu-s-di yu-li-s-ta-ne-i.

Howbeit they looked when he should have swollen, or fallen down dead suddenly: but after they had looked a great while, and saw no harm come to him, they changed their minds, and said that he was a god.
ᎠᏎᏃ ᎤᎾᎦᏙᏍᏔᏅᎩ, ᏓᎪᏘᏏ ᎠᎴ ᎤᏲᎱᏒᎯ ᏓᎦᏅᏥ ᏛᏰᎶᎢᏍᏔᏂ, ᎠᏁᎵᏍᎬᎩ; ᎠᏎᏃ ᎤᏬᎯᏨ ᎤᎾᎦᏙᏍᏔᏅ, ᎠᎴ ᎤᎾᏙᎴᎰᏒ ᎪᎱᏍᏗ ᏄᎵᏍᏓᏁᎸᎾ ᎨᏒᎢ, ᎤᏂᏁᏟᏴᏒᎩ ᏄᏍᏛ ᎠᎾᏓᏅᏖᏍᎬᎢ, ᎠᎴ ᎦᎸᎳᏗ ᎡᎯ, ᎤᎾᏛᏅᎩ.
A-se-no u-na-ga-do-s-ta-nv-gi, da-go-ti-si a-le u-yo-hu-sv-hi da-ga-nv-tsi dv-ye-lo-i-s-ta-ni, a-ne-li-s-gv-gi; a-se-no u-wo-hi-tsv u-na-ga-do-s-ta-nv, a-le u-na-do-le-ho-sv go-hu-s-di nu-li-s-da-ne-lv-na ge-sv-i, u-ni-ne-tli-yv-sv-gi nu-s-dv a-na-da-nv-te-s-gv-i, a-le ga-lv-la-di e-hi, u-na-dv-nv-gi.

In the same quarters were possessions of the chief man of the island, whose name was Publius; who received us, and lodged us three days courteously.
ᎾᎿᎭᏃ ᎾᎥ ᏚᎶᎨᏒᎩ ᏄᎬᏫᏳᏒ ᎠᏍᎦᏯ ᎾᎿᎭᎠᎹᏰᎵ ᎤᏪᎧᎲᎢ, ᏆᏟᏯ ᏧᏙᎢᏛ; ᎾᏍᎩ ᏙᎦᏓᏂᎸᏨᎩ, ᎠᎴ ᏦᎢ ᏧᏒᎯᏛ ᎤᏙᎵᏍᏙᏏᏳ ᎣᎩᏍᏆᏂᎪᏔᏅᎩ ᎦᏁᎸᎢ.
Na-hna-no na-v du-lo-ge-sv-gi nu-gv-wi-yu-sv a-s-ga-ya na-hna a-ma-ye-li u-we-ka-hv-i, Qua-tli-ya tsu-do-i-dv; na-s-gi do-ga-da-ni-lv-tsv-gi, a-le tso-i tsu-sv-hi-dv u-do-li-s-do-si-yu o-gi-s-qua-ni-go-ta-nv-gi ga-ne-lv-i.

And it came to pass, that the father of Publius lay sick of a fever and of a bloody flux: to whom Paul entered in, and prayed, and laid his hands on him, and healed him.
ᎯᎠᏃ ᏄᎵᏍᏔᏅᎩ, ᎾᏍᎩ ᏆᏟᏯ ᎤᏙᏓ ᎦᏅᎬᎩ ᎤᏗᎴᎲᏍᎬᎩ ᎠᎴ ᎩᎬ ᏚᏩᎫᏍᎬᎩ, ᎾᏍᎩ ᏉᎳ ᎤᏴᎸᎩ ᎦᏅᎬᎢ, ᎤᏓᏙᎵᏍᏔᏅᏃ ᎠᎴ ᏚᏏᏔᏛ ᎤᏅᏩᏅᎩ.
Hi-a-no nu-li-s-ta-nv-gi, na-s-gi Qua-tli-ya u-do-da ga-nv-gv-gi u-di-le-hv-s-gv-gi a-le gi-gv du-wa-gu-s-gv-gi, na-s-gi Quo-la u-yv-lv-gi ga-nv-gv-i, u-da-do-li-s-ta-nv-no a-le du-si-ta-dv u-nv-wa-nv-gi.

So when this was done, others also, which had diseases in the island, came, and were healed:
ᎾᏍᎩᏃ ᏄᎵᏍᏔᏅ, ᏅᏩᎾᏓᎴ ᎾᏍᏉ ᏧᏂᏢᎩ ᎾᎿᎭᎠᎹᏰᎵ ᎠᏁᎯ ᎤᏂᎷᏨᎩ, ᎠᎴ ᏕᎨᏥᏅᏩᏅᎩ;
Na-s-gi-no nu-li-s-ta-nv, nv-wa-na-da-le na-s-quo tsu-ni-tlv-gi na-hna a-ma-ye-li a-ne-hi u-ni-lu-tsv-gi, a-le de-ge-tsi-nv-wa-nv-gi;

Who also honoured us with many honours; and when we departed, they laded us with such things as were necessary.
ᎾᏍᎩ ᎾᏍᏉ ᎪᎩᎸᏉᏗᏍᎬᎢ ᎤᏣᏛᎩ ᎪᎩᏁᎸᏅᎩ; ᎢᎣᎦᏂᎩᏒᏃ ᎪᎦᎵᏁᏌᎳᏁᎸᎩ ᏧᏓᎴᎳᏅᏛ ᎣᎦᎵᏍᏕᎸᏙᏗ.
Na-s-gi na-s-quo go-gi-lv-quo-di-s-gv-i u-tsa-dv-gi go-gi-ne-lv-nv-gi; i-o-ga-ni-gi-sv-no go-ga-li-ne-sa-la-ne-lv-gi tsu-da-le-la-nv-dv o-ga-li-s-de-lv-do-di.

And after three months we departed in a ship of Alexandria, which had wintered in the isle, whose sign was Castor and Pollux.
ᏦᎢᏃ ᎢᏯᏅᏙ ᎤᎶᏐᏅ ᎣᎦᏂᎩᏒᎩ, ᎣᎦᏣᏅᎩ ᏥᏳᎯ ᎡᎵᎩᏱ ᎡᎯ, ᎾᎿᎭᎠᎹᏰᎵ ᏏᎪᎳᏗᏱᏍᎩ ᎤᏂᏔᎳᏛᎯ, ᎾᏍᎩ ᎪᎵᏍᏙᏗ ᎧᏍᏓ ᎠᎴ ᏉᎳᏥ ᎪᏪᎸᎩ.
Tso-i-no i-ya-nv-do u-lo-so-nv o-ga-ni-gi-sv-gi, o-ga-tsa-nv-gi tsi-yu-hi E-li-gi-yi e-hi, na-hna a-ma-ye-li si-go-la-di-yi-s-gi u-ni-ta-la-dv-hi, na-s-gi go-li-s-do-di Ka-s-da a-le Quo-la-tsi go-we-lv-gi.

And landing at Syracuse, we tarried there three days.
ᏌᎴᎫᏏᏃ ᎣᎦᏚᎩᏒ, ᎾᎿᎭᏦᎢ ᏃᎩᏒᎸᎩ.
Sa-le-gu-si-no o-ga-du-gi-sv, na-hna tso-i no-gi-sv-lv-gi.

And from thence we fetched a compass, and came to Rhegium: and after one day the south wind blew, and we came the next day to Puteoli:
ᎾᎿᎭᏃ ᏫᎣᎨᏅ ᎠᎪᎸᏛ ᏬᎩᏅᏍᏔᏅᎩ, ᎵᏥᏯ ᏬᎩᎷᏨᎩ. ᏑᏙᏓᏆᏛᏃ ᎤᎶᏐᏅ ᏧᎦᎾᏮ ᎢᏗᏢ ᏓᏳᏃᎸᏔᏅᎩ; ᎤᎩᏨᏛᏃ ᏇᏗᎣᎵ ᏬᎩᎷᏨᎩ.
Na-hna-no wi-o-ge-nv a-go-lv-dv wo-gi-nv-s-ta-nv-gi, Li-tsi-ya wo-gi-lu-tsv-gi. Su-do-da-qua-dv-no u-lo-so-nv tsu-ga-na-wv i-di-tlv da-yu-no-lv-ta-nv-gi; u-gi-tsv-dv-no Que-di-o-li wo-gi-lu-tsv-gi.

Where we found brethren, and were desired to tarry with them seven days: and so we went toward Rome.
ᎾᎿᎭᏙᏥᏩᏛᎲᎩ ᎣᏣᏓᏅᏟ, ᎠᎴ ᎪᎩᏔᏲᏎᎸᎩ ᎦᎸᏉᎩ ᏧᏒᎯᏛ ᏓᏂᏁᎸ ᎣᎦᏅᏗᏱ. ᎿᎭᏉᏃ ᎶᎻ ᏫᏚᏳᎪᏛ ᏬᎩᎶᏒᎩ.
Na-hna do-tsi-wa-dv-hv-gi o-tsa-da-nv-tli, a-le go-gi-ta-yo-se-lv-gi ga-lv-quo-gi tsu-sv-hi-dv da-ni-ne-lv o-ga-nv-di-yi. Hna-quo-no Lo-mi wi-du-yu-go-dv wo-gi-lo-sv-gi.

And from thence, when the brethren heard of us, they came to meet us as far as Appii forum, and The three taverns: whom when Paul saw, he thanked God, and took courage.
ᎾᎿᎭᏃ ᎠᎾᏓᏅᏟ ᏗᎪᎦᏛᎦᏅ, ᎡᏈᏲᎢ ᎢᏴᏛ ᎠᎴ ᏦᎢ-ᎢᏗᎵᏍᏓᏴᏗᏱ ᏕᎪᎦᏠᏏᎸᎩ; ᏉᎳ ᎾᏍᎩ ᏚᎪᎲ ᎤᎵᎮᎵᏤᎸᎩ ᎤᏁᎳᏅᎯ, ᎠᎴ ᎤᎦᎵᏍᏗ ᎤᏓᏅᏓᏛᎩ.
Na-hna-no a-na-da-nv-tli di-go-ga-dv-ga-nv, E-qui-yo-i i-yv-dv a-le Tso-i--I-di-li-s-da-yv-di-yi de-go-ga-tlo-si-lv-gi; Quo-la na-s-gi du-go-hv u-li-he-li-tse-lv-gi U-ne-la-nv-hi, a-le u-ga-li-s-di u-da-nv-da-dv-gi.

And when we came to Rome, the centurion delivered the prisoners to the captain of the guard: but Paul was suffered to dwell by himself with a soldier that kept him.
ᎶᎻᏃ ᏬᎩᎷᏨ, ᎠᏍᎪᎯᏧᏈ ᏗᏘᏂᏙᎯ ᎠᏂᏴᎩ ᏚᏲᎯᏎᎸᎩ ᎤᎬᏫᏳᎯᎠᏂᎦᏘᏯ ᏗᏘᏂᏙᎯ; ᏉᎳᏍᎩᏂ ᎠᎦᎵᏍᎪᎸᏁᎸᎩ ᎤᏁᎳᎩ ᎤᏩᏒ ᎤᏕᏗᏱ, ᎠᎴ ᎠᏯᏫᏍᎩ ᎤᎦᏘᏗᏍᏗᏱ.
Lo-mi-no wo-gi-lu-tsv, a-s-go-hi-tsu-qui di-ti-ni-do-hi a-ni-yv-gi du-yo-hi-se-lv-gi u-gv-wi-yu-hi-a-ni-ga-ti-ya di-ti-ni-do-hi; Quo-la-s-gi-ni a-ga-li-s-go-lv-ne-lv-gi u-ne-la-gi u-wa-sv u-de-di-yi, a-le a-ya-wi-s-gi u-ga-ti-di-s-di-yi.

And it came to pass, that after three days Paul called the chief of the Jews together: and when they were come together, he said unto them, Men and brethren, though I have committed nothing against the people, or customs of our fathers, yet was I delivered prisoner from Jerusalem into the hands of the Romans.
ᏦᎢᏃ ᏫᏄᏒᎸ ᎯᎠ ᏄᎵᏍᏔᏅᎩ; ᏉᎳ ᏚᏪᏟᏌᏅᎩ ᏄᏂᎬᏫᏳᏒ ᎠᏂᏧᏏ; ᎤᎾᏓᏟᏌᏅᏃ ᎯᎠ ᏂᏚᏪᏎᎸᎩ; ᎢᏥᏍᎦᏯ ᎢᏓᏓᏅᏟ, ᎠᏴ ᎥᏝ ᎪᎱᏍᏗ ᎦᏥᏍᎦᏅᏤᎸᎯ ᏱᎩ ᏗᎦᏤᎵ ᏴᏫ, ᎥᏝ ᎠᎴ ᎠᎩᏲᏍᏔᏅᎯ ᏱᎩ ᏗᎧᎿᎭᏩᏛᏍᏗ ᏗᎩᎦᏴᎵᎨ ᎨᎩᏁᎸᎯ; ᎠᏎᏃ ᏥᎷᏏᎵᎻ ᏥᏴᎩ ᏓᎬᏆᏘᎾᏫᏛᎲᎩ ᏕᎬᎩᏲᏒᎩ ᎠᏂᎶᎻᏱ.
Tso-i-no wi-nu-sv-lv hi-a nu-li-s-ta-nv-gi; Quo-la du-we-tli-sa-nv-gi nu-ni-gv-wi-yu-sv A-ni-tsu-si; u-na-da-tli-sa-nv-no hi-a ni-du-we-se-lv-gi; I-tsi-s-ga-ya i-da-da-nv-tli, a-yv v-tla go-hu-s-di ga-tsi-s-ga-nv-tse-lv-hi yi-gi di-ga-tse-li yv-wi, v-tla a-le a-gi-yo-s-ta-nv-hi yi-gi di-ka-hna-wa-dv-s-di di-gi-ga-yv-li-ge ge-gi-ne-lv-hi; a-se-no Tsi-lu-si-li-mi tsi-yv-gi da-gv-qua-ti-na-wi-dv-hv-gi de-gv-gi-yo-sv-gi A-ni-lo-mi-yi.

Who, when they had examined me, would have let me go, because there was no cause of death in me.
ᎾᏍᎩ ᎬᎩᎪᎵᏰᎥ, ᏱᏗᎬᎩᏲᏎᎢ, ᎥᏝᏰᏃ ᎪᎱᏍᏗ ᎠᏲᎱᎯᏍᏗ ᎬᎩᏍᏛᏗᏍᏗ ᏱᎬᎩᏩᏛᎡᎴᎢ.
Na-s-gi gv-gi-go-li-ye-v, yi-di-gv-gi-yo-se-i, v-tla-ye-no go-hu-s-di a-yo-hu-hi-s-di gv-gi-s-dv-di-s-di yi-gv-gi-wa-dv-e-le-i.

But when the Jews spake against it, I was constrained to appeal unto Caesar; not that I had ought to accuse my nation of.
ᎠᏎᏃ ᎠᏂᏧᏏ ᎠᏂᏁᎬ ᎾᏍᎩ ᎤᏂᏐᏅᏤᎸ, ᎠᏎ ᏏᏐᎢ ᏩᎩᎲᏍᏙᏗ ᎾᏆᎵᏍᏓᏁᎸᎩ; ᎥᏝᏍᎩᏂᏃᏅ ᎪᎱᏍᏗ ᏯᎩᎮᎢ ᎦᏥᏳᎢᏍᏙᏗ ᏗᏆᏤᎵᎦ ᏴᏫ.
A-se-no A-ni-tsu-si a-ni-ne-gv na-s-gi u-ni-so-nv-tse-lv, a-se Si-so-i wa-gi-hv-s-do-di na-qua-li-s-da-ne-lv-gi; v-tla-s-gi-ni-no-nv go-hu-s-di ya-gi-he-i ga-tsi-yu-i-s-do-di di-qua-tse-li-ga yv-wi.

For this cause therefore have I called for you, to see you, and to speak with you: because that for the hope of Israel I am bound with this chain.
ᎾᏍᎩ ᏅᏓᎦᎵᏍᏙᏓ ᏥᏫᏨᏯᏅ ᎢᏨᎪᏩᏛᏗᏱ ᎠᎴ ᎢᎦᎵᏃᎮᏗᏱ, ᎢᏏᎵᏰᏃ ᎤᏚᎩ ᎤᏅᏒᎢ ᏅᏧᎵᏍᏙᏔᏅ ᎯᎠ ᏧᏓᏕᏒᏛ ᏨᏆᎸᏍᏗ.
Na-s-gi nv-da-ga-li-s-do-da tsi-wi-tsv-ya-nv i-tsv-go-wa-dv-di-yi a-le i-ga-li-no-he-di-yi, I-si-li-ye-no u-du-gi u-nv-sv-i nv-tsu-li-s-do-ta-nv hi-a tsu-da-de-sv-dv tsv-qua-lv-s-di.

And they said unto him, We neither received letters out of Judaea concerning thee, neither any of the brethren that came shewed or spake any harm of thee.
ᎯᎠᏃ ᏅᎬᏩᏪᏎᎸᎩ; ᎥᏝ ᏂᎯ ᎡᏣᏃᎮᏍᎬ ᎪᏪᎵ ᏧᏗᏱ ᏂᏙᏓᏳᏃᏪᎳᏅᎯ ᏱᏙᎩᏃᎮᎭ, ᎥᏝ ᎠᎴ ᎩᎶ ᎢᏓᏓᏅᏟ ᎾᎿᎭᏅᏓᏳᏂᎶᏒᎯ ᎬᏂᎨᏒ ᏱᏂᎨᏨᏁᎴᎢ, ᎥᏝ ᎠᎴ ᎤᏐᏅ ᏱᎨᏣᏃᎮᎴᎢ.
Hi-a-no nv-gv-wa-we-se-lv-gi; V-tla ni-hi e-tsa-no-he-s-gv go-we-li Tsu-di-yi ni-do-da-yu-no-we-la-nv-hi yi-do-gi-no-he-ha, v-tla a-le gi-lo i-da-da-nv-tli na-hna nv-da-yu-ni-lo-sv-hi gv-ni-ge-sv yi-ni-ge-tsv-ne-le-i, v-tla a-le u-so-nv yi-ge-tsa-no-he-le-i.

But we desire to hear of thee what thou thinkest: for as concerning this sect, we know that every where it is spoken against.
ᎠᏎᏃ ᎣᎦᏚᎵᎭ ᎢᏨᏯᏛᎦᏁᏗᏱ ᏄᏍᏛ ᎭᏓᏅᏖᏍᎬᎢ, ᎯᎠᏰᏃ ᎤᎾᏓᏤᎵᏛ ᎤᎾᎵᎪᏒᎢ, ᎣᏥᎦᏔᎭ ᏂᎬᎾᏛ ᎨᏥᏃᎮᏍᎬ ᎨᎦᏡᏗᏍᎬᎢ.
A-se-no o-ga-du-li-ha i-tsv-ya-dv-ga-ne-di-yi nu-s-dv ha-da-nv-te-s-gv-i, hi-a-ye-no u-na-da-tse-li-dv u-na-li-go-sv-i, o-tsi-ga-ta-ha ni-gv-na-dv ge-tsi-no-he-s-gv ge-ga-tlu-di-s-gv-i.

And when they had appointed him a day, there came many to him into his lodging; to whom he expounded and testified the kingdom of God, persuading them concerning Jesus, both out of the law of Moses, and out of the prophets, from morning till evening.
ᏕᎬᏩᏒᏍᏓᏁᎸᏃ, ᎤᏂᏣᏛ ᎬᏩᎷᏤᎸᎩ ᎤᏪᏗᏱ; ᎾᏍᎩ ᎬᏂᎨᏒ ᏂᏚᏩᏁᎸᎩ, ᏚᏃᎮᎮᎸᎩ ᎤᏁᎳᏅᎯ ᎤᎬᏫᏳᎯ ᎨᏒᎢ, ᏑᎾᎴ ᎤᎴᏅᏛ ᎤᏒᎢ ᎬᏗᏍᎩ, ᏓᏍᏗᏰᏗᏍᎬ ᏥᏌ ᎧᏃᎮᏍᎬᎢ; ᏕᎬᏗᏍᎬ ᏗᎧᎿᎭᏩᏛᏍᏗ ᎼᏏ ᎤᏤᎵᎦ ᎠᎴ ᎠᎾᏙᎴᎰᏍᎩ.
De-gv-wa-sv-s-da-ne-lv-no, u-ni-tsa-dv gv-wa-lu-tse-lv-gi u-we-di-yi; na-s-gi gv-ni-ge-sv ni-du-wa-ne-lv-gi, du-no-he-he-lv-gi U-ne-la-nv-hi u-gv-wi-yu-hi ge-sv-i, su-na-le u-le-nv-dv u-sv-i gv-di-s-gi, da-s-di-ye-di-s-gv Tsi-sa ka-no-he-s-gv-i; de-gv-di-s-gv di-ka-hna-wa-dv-s-di Mo-si u-tse-li-ga a-le a-na-do-le-ho-s-gi.

And some believed the things which were spoken, and some believed not.
ᎢᎦᏛᏃ ᎤᏃᎯᏳᏅᎩ ᎾᏍᎩ ᎤᏬᏂᏒᎢ, ᎢᎦᏛᏃ ᎥᏝ ᏳᏃᎯᏳᏁᎢ.
I-ga-dv-no u-no-hi-yu-nv-gi na-s-gi u-wo-ni-sv-i, i-ga-dv-no v-tla yu-no-hi-yu-ne-i.

And when they agreed not among themselves, they departed, after that Paul had spoken one word, Well spake the Holy Ghost by Esaias the prophet unto our fathers,
ᏚᎾᎦᎴᏅᎲᏃ ᏓᎾᏓᏅᏖᏍᎬᎢ ᏙᎤᏁᏅᏒᎩ, ᏉᎳᏍᎩᏂᏃᏅ ᎠᏏ ᏌᏉ ᎢᎧᏁᏨᎯ ᎤᏁᏨᎩ, ᎯᎠ ᏄᏪᏒᎩ; ᏰᎵᏉ ᎦᎸᏉᏗᏳ ᎠᏓᏅᏙ ᏥᏚᏁᏤᎴ ᏗᎩᎦᏴᎵᎨᎢ, ᎢᏌᏯ ᎠᏙᎴᎰᏍᎩ ᏧᏩᏔᏁᎢ,
Du-na-ga-le-nv-hv-no da-na-da-nv-te-s-gv-i do-u-ne-nv-sv-gi, Quo-la-s-gi-ni-no-nv a-si sa-quo i-ka-ne-tsv-hi u-ne-tsv-gi, hi-a nu-we-sv-gi; Ye-li-quo Ga-lv-quo-di-yu A-da-nv-do tsi-du-ne-tse-le di-gi-ga-yv-li-ge-i, I-sa-ya a-do-le-ho-s-gi tsu-wa-ta-ne-i,

Saying, Go unto this people, and say, Hearing ye shall hear, and shall not understand; and seeing ye shall see, and not perceive:
ᎯᎠ ᏥᏄᏪᏎᎢ; "ᎯᎠ ᏴᏫ ᏘᏩᏛᎱᎦ, ᎠᎴ ᎯᎠ ᏫᏂᏫ; ᎢᏣᏛᎩᏍᎬᎢ ᎢᏣᏛᎩᏍᎨᏍᏗ, ᎠᏎᏃ ᎥᏝ ᏱᏦᎵᎨᏍᏗ, ᎠᎴ ᎢᏥᎪᏩᏘᏍᎬᎢ ᎢᏥᎪᏩᏘᏍᎨᏍᏗ ᎠᏎᏃ ᎥᏝ ᏱᏣᏙᎴᎰᏍᎨᏍᏗ.
Hi-a tsi-nu-we-se-i; "Hi-a yv-wi ti-wa-dv-hu-ga, a-le hi-a wi-ni-wi; i-tsa-dv-gi-s-gv-i i-tsa-dv-gi-s-ge-s-di, a-se-no v-tla yi-tso-li-ge-s-di, a-le i-tsi-go-wa-ti-s-gv-i i-tsi-go-wa-ti-s-ge-s-di a-se-no v-tla yi-tsa-do-le-ho-s-ge-s-di.

For the heart of this people is waxed gross, and their ears are dull of hearing, and their eyes have they closed; lest they should see with their eyes, and hear with their ears, and understand with their heart, and should be converted, and I should heal them.
ᎯᎠᏰᏃ ᏴᏫ ᎤᏂᎾᏫ ᎤᎵᏦᎲᏒ, ᎠᎴ ᏓᏂᎵᎷᎬ ᎦᏂᎵᏳ ᎠᎾᏛᎩᎠ, ᎠᎴ ᏗᏂᎦᏙᎵ ᏚᏂᏍᏚᎭ; ᎾᏍᎩ ᏗᏂᎦᏙᎵ ᏗᎬᏩᏂᎪᏩᏛᏙᏗ ᏂᎨᏒᎾ, ᎠᎴ ᏓᏂᎵᎷᎬ ᏗᎬᏩᎾᏛᎪᏙᏗ ᏂᎨᏒᎾ, ᎠᎴ ᎤᏂᎾᏫ ᎬᏩᏃᎵᏍᏙᏗ ᏂᎨᏒᎾ, ᎠᎴ ᏚᎾᏓᏅᏛ ᏧᏏᏁᏟᏴᏍᏗᏱ ᏂᎨᏒᎾ ᎠᎴ ᏗᎦᎦᏥᏅᏬᏗ ᏂᎨᏒᎾ."
Hi-a-ye-no yv-wi u-ni-na-wi u-li-tso-hv-sv, a-le da-ni-li-lu-gv ga-ni-li-yu a-na-dv-gi-a, a-le di-ni-ga-do-li du-ni-s-du-ha; na-s-gi di-ni-ga-do-li di-gv-wa-ni-go-wa-dv-do-di ni-ge-sv-na, a-le da-ni-li-lu-gv di-gv-wa-na-dv-go-do-di ni-ge-sv-na, a-le u-ni-na-wi gv-wa-no-li-s-do-di ni-ge-sv-na, a-le du-na-da-nv-dv tsu-si-ne-tli-yv-s-di-yi ni-ge-sv-na a-le di-ga-ga-tsi-nv-wo-di ni-ge-sv-na."

Be it known therefore unto you, that the salvation of God is sent unto the Gentiles, and that they will hear it.
ᎾᏍᎩ ᎢᏳᏍᏗ ᎢᏣᏅᏖᏍᏗ, ᎯᎠ ᎾᏍᎩ ᎠᎵᏍᏕᎸᏙᏗ ᎤᏁᎳᏅᎯ ᎤᏤᎵᎦ ᏧᎾᏓᎴᏅᏛ ᏴᏫ ᎨᏥᏁᎸᎯ, ᎠᎴ ᎾᏍᎩ ᏛᎾᏛᏓᏍᏔᏂ.
Na-s-gi i-yu-s-di i-tsa-nv-te-s-di, hi-a na-s-gi a-li-s-de-lv-do-di U-ne-la-nv-hi u-tse-li-ga tsu-na-da-le-nv-dv yv-wi ge-tsi-ne-lv-hi, a-le na-s-gi dv-na-dv-da-s-ta-ni.

And when he had said these words, the Jews departed, and had great reasoning among themselves.
ᎾᏍᎩᏃ ᏄᏪᏒ, ᎠᏂᏧᏏ ᎤᎾᏓᏅᏒᎩ, ᎤᏅᏒ ᎨᏒ ᎤᏣᏛᎩ ᏭᎾᎵᏃᎮᎸᎩ.
Na-s-gi-no nu-we-sv, A-ni-tsu-si u-na-da-nv-sv-gi, u-nv-sv ge-sv u-tsa-dv-gi wu-na-li-no-he-lv-gi.

And Paul dwelt two whole years in his own hired house, and received all that came in unto him,
ᏉᎳᏃ ᎤᏃᏍᏛ ᏔᎵ ᏧᏕᏘᏴᏛ ᎤᏁᎳᏛᎩ ᎤᏤᎵᎦ ᎤᏙᎳᏒᎯ ᎠᏓᏁᎸᎢ, ᎠᎴ ᏓᏓᏂᎸᎬᎩ ᏂᎦᏛ ᎬᏩᏩᏘᏍᎩ,
Quo-la-no u-no-s-dv ta-li tsu-de-ti-yv-dv u-ne-la-dv-gi u-tse-li-ga u-do-la-sv-hi a-da-ne-lv-i, a-le da-da-ni-lv-gv-gi ni-ga-dv gv-wa-wa-ti-s-gi,

Preaching the kingdom of God, and teaching those things which concern the Lord Jesus Christ, with all confidence, no man forbidding him.
ᎠᎵᏥᏙᎲᏍᎬᎩ ᎧᏃᎮᏍᎬᎩ ᎤᏁᎳᏅᎯ ᎤᎬᏫᏳᎯ ᎨᏒᎢ, ᎠᎴ ᏓᏕᏲᎲᏍᎬᎩ ᎧᏃᎮᏍᎬᎩ ᎤᎬᏫᏳᎯ ᏥᏌ ᎦᎶᏁᏛ, ᎤᏍᏗᎤᏅ ᎾᏍᎦᎢᎲᎾ, ᎠᎴ ᎩᎶ ᏄᏅᏍᏓᏕᎲᎾ.
A-li-tsi-do-hv-s-gv-gi ka-no-he-s-gv-gi U-ne-la-nv-hi u-gv-wi-yu-hi ge-sv-i, a-le da-de-yo-hv-s-gv-gi ka-no-he-s-gv-gi U-gv-wi-yu-hi Tsi-sa Ga-lo-ne-dv, u-s-di-u-nv na-s-ga-i-hv-na, a-le gi-lo nu-nv-s-da-de-hv-na.